Siðblindir forstjórar?

Það var magnað að sitja undir Kastljós þætti kvöldsins og hlýða á viðtalið við forstjóra lífeyris! Sallarólegur reyndi hann að útskýra fyrir spyrlinum að 100 MILLJARÐA tap væri bara eðlilegt í þessum bissness. Það var alveg greinilegt að það voru ekki hans fjármunir sem hurfu úr sjóðunum heldur annarra! Og hann ætlar bara að sitja hinn rólegasti áfram! Sá frábært viðtal um daginn við erlendann sérfræðing sem útskýrði hegðun og hin ýmsu einkenni siðblindingja. Viðtal kvöldsins var hreint kennslubókardæmi um slíka hegðun. Alveg steindauður fyrir tapinu tilfinningalega, reynandi að réttlæta sig í stað þess að taka hlutunum eins og karlmenni og viðurkenna mistökin og fífldirfskuna. ALLIR eru þeir eins, þetta voru engin mistök heldur allt öðru og öðrum að kenna! Það er óhugnanlegt hve stór prósenta manna hefur gjörsamlega umturnast í þessari "bólu" sem myndaðist hér fyrir hrun! Og brjálsemin heldur áfram með sömu geðsjúklingana við stjórnvölinn þar sem enginn á að axla ábyrgð! Og heldur fólk virkilega að ástandið lagist eitthvað við að hleypa hrunverjunum aftur að? Þá hlýtur það fólk að vera haldið sömu brjálseminni!

Í útilegu????

Hvur fjandinn er að þeim vitleysingum sem leggja út í óbyggðirnar og slá upp tjaldi í rólegheitum í byrjun febrúar? Eru þetta einstaklingar sem þvælast hingað á eigin vegum sem hafa ekki einu sinni fyrir því að kynna sér aðstæður eða veðurspá? Og nú er verið að sækja annan upp á hálendið! Vonandi verða bjánarnir rukkaðir fyrir björgunina.

Tjaldið fauk af ferðamanni við Glym

Fylgiskjölin????

Hvurn fjandann vantar þig upp á dekk? Vlltu þá ekki gjöra svo vel að sýna gott fordæmi og upplýsa þjóðina um milljónirnar sem runnu til þín frá einhverjum felu gúbbum út í bæ!!! Þú verður endalaust minntur á þetta kallinn meðan þú gerir ekki hreint fyrir þínum dyrum. Eða, er þetta bara siðferðið sem hrjáir þig?

Guðlaugur Þór vill fá fylgiskjölin

Ja hérna!

Hvílík læti yfir smábombu! Veit ekki til að ein rúða hafi brotnað hvað þá meira! Verður þá ekki að banna áramótabomburnar sem virðast helmingi öflugri en þetta drasl? Er farinn að halda að löggan sé að reyna að bjarga andlitinu yfir öllum viðbúnaðinum vegna þessa "kínverja". Virðist frekar vera hrekkur en einhver hryðjuverka tilraun. Stormur í vatnsglasi.

Leitað að karlmanni vegna sprengju

Vantar ekki kjarkinn!!!

Já, vitleysingunum vantar ekki kjarkinn í yfirlýsingum um áhættu á almannafé! Nú skulum við láta þessa jólasveina skrifa undir ábyrgð á því að enn einu sinni skuli leikið sér með almannafé. Hingað og ekki lengra takk fyrir. Nú skulu menn gjöra svo vel og taka á sig ábyrgðina áður en þeir básúna svona yfirlýsingum út í loftið. Þessir vitfyrringar eru endalaust tilbúnir að "gambla" með almannafé einmitt vegna þess að þeir geta logið og bullað eins og þeim sýnist. Tími ábyrgðar SKAL fara að komast á. Sömu brjálæðingarnir og settu þetta samfélag á hausinn dirfast að opna kjaftinn aftur og aftur í svona málum og sauðirnir taka þessu bara þegjandi og hljóðalaust. Drullist til að vakna upp úr sófunum aular!

Lítil áhætta vegna jarðganga

Síðbúin áramótagleði?

Get ekki að því gert en mér finnst þetta hálf fyndið þegar sprengjudeild lögreglunar hleypur til vegna pappakassa sem líklegast eru leifar af skotköku! Enn er verið að sprengja restar af áramótagleðinni svo þessi ýktu viðbrögð eru hlægileg! Annars sýnir þetta auðvitað taugaveiklunina sem ríkir vegna svikaranna í stjórnaráðinu! Hjá lögreglu er búist við því versta þegar vegfarandi rekur við í nágrenninu! Verst er að apakettirnir í ríkisstjórninni vita ekki einu sinni af þessum viðbúnaði fyrr en eftirá. Hvernig dettur lögreglu í hug að molbúarnir sem búa á þessu skeri hafi kjark eða þor í svona framkvæmd? Það er búið að taka þessa sundurleitu þjóð svo illa í rassgatið að hún nennir ekki einu sinni að hrista af sér verðtryggingu, fjárglæframenn og þjófa, heldur kýs það lið  inn á þing svo það eigi greiðari leið að fjármagninu!

Mikill viðbúnaður vegna sprengjuleifa

Tek hatt minn ofan!

Já, ég er búinn að skemmta mér konunglega yfir þessum brandara, hann heppnaðist fullkomlega. Ég er að velta því fyrir mér hvort hér sé á ferð rannsókn á þeirri hjarðhegðun sem íslenskur almenningur þjáist svo illilega af! Kannski þeir sömu og komu þeim orðrómi af stað fyrir ca. 2-3 árum um að eldsneyti myndi hækka daginn eftir en reyndist síðan LÆKKA umtalsvert! Fjöldi fólks æddi af stað þó hvergi væri staf um það að finna nokkurstaðar! Núna taka fjölmiðlar meira að segja þátt í þessu rugli. Heimsfrétt: "Enn ein tuskusjoppan að opna á Íslandi" Og hvað gerist? Jú, "rollurnar" æða stjórnlaust af stað, allar netsíður undirlagðar af "sjúklingunum" sem tilbúnir eru að ryðjast um í þvöguni og safna auknum skuldum inn á Visa-Euro reikningana. Var t.d. aumkunarvert að horfa á lýðinn í fjölmiðlum, hangandi á hurðarhúnum verslunarinnar sem opnaði í Smáralind í lok síðasta árs. Það fór um mig aulahrollur! Hugsaði með mér af hverju fólk léti eins og um eina helgaropnun væri að ræða. Aðeins 100 ár eru liðin síðan við, grálúsug, skriðum út úr moldarkofunum og höfum síðan reynt að fá umheiminn til að taka mark á okkur. Eitthvað hefur mistekist herfilega á þessari þróunarbraut. Við eru greinilega sömu molbúarnir og við vorum þá. Klæðum okkur bara betur en tókum með okkur tóma heila sem bæði kaupmenn og stjórnmálamenn, með hjálp sálfræðinga, hafa uppgötvað að er auðvelt að stýra með áróðri, kjaftasögum og orðrómi. Er eitthvað í vatninu eða er þetta kannski eiturdrullan í fæðuni sem yfirvöld segja að sé bara lagi að nota þegar losna þarf við iðnaðaskít? Eða erum við bara að úrkynjast svona herfilega? Er þungt hugsi!

McDonald's ekki heldur að opna

Hver er orsökin?

Já, hver er orsökin fyrir því að ekki nokkur manneskja innan 4-flokkana ræðst í þetta mál? Getur það verið að fjármagnið og þrýstihópar sé búið að "kaupa" þingið með húð og hári? Búið sé að velta þvílíkum upphæðum inn í stjórnmálaflokkana fjóra að engin hreyfi legg né lið? Það kom svo sannarlega í ljós eftir hrun að  stjórnmálaflokkarnir þáðu tugi milljóna, svo skýringin liggur líklegast þar. Þar af leiðir að alþingi íslendinga er handónýtt til þarfra verka. Það er aðeins ein lausn til á þessu vandamáli! Snúum baki við 4-flokknum og komum nýju fólki að! Sama hvaða rökum þið beitið þá getur getuleysið ekki orðið meira. Gömlu flokkarnir vilja engu breyta og vilja viðhalda arðráni og níðingsskap á þjóðinni og berja strax niður allar raddir nýrra þingmanna sem dirfast að opna munninn.  Tími breytinga er á síðasta séns og það VERÐUR að gerast í næstu kosningum. Sýnum þann þroska að rífa okkur út úr þrjósku og heimsku pólitíkinni og byltum þessu handónýta stjórnmálakerfi sem 4-flokkurinn hefur byggt upp í gegnum tíðina og er að leggja þjóðina í rúst! Látum ekki lymsku áróður þeirra etja okkur saman með sundurlyndi og ósætti. Saman verðum við ógnarsterkt afl sem þeir ráða ekkert við! Nýtt blóð inn á þing!

Andrea J.: Leiðrétting lána

Ussss!

Það var ekki laust við að setti að mér hroll þegar ég hlustaði á tal 2ja manna í morgun! Hvað hafa ekki mörg okkar lent í því að mæta eða aka á eftir gámaflutninga bílum?  Samkvæmt tali þessarra manna tíðkaðist það að gámaflutninga fyrirtækin bönnuðu ökumönnum bílanna að nota öryggislæsingar, sem skylt er að nota þegar gámar eru fluttir á milli staða! Skýringin? Látum gáminn velta af bílnum svo hann slengi honum ekki á hliðina! Sem sagt, bíllinn sem á að virka sem anker á gáminn er laus frá honum svo hann geti bara kastast út í umferðina ef óhapp ber að höndum! Það var semsagt meira virði að bíllinn yllti ekki en að drepa saklausa vegfarendur! Ég ætla að vona að þetta sé liðin tíð! Bílstjórar verða ákærðir fyrir manndráp af gáleysi ef dauðaslys verður vegna lausra gáma! Fyrirtækið getur frýjað sig og bent á bílstjórann. Þakka fyrir vegaeftirlitið sem stöðvar þessi tæki reglulega á þjóðvegum landsins! Samkvæmt þessu veitti ekki af reglulegu eftirliti.

Ófær bílastæði?

Hvaða aulaháttur er í gangi hjá húsfélögum í Hraunbænum? Í Breiðholtinu er ekkert verið að væla yfir snjóþyngslum heldur eru bílastæðin mokuð! Engin afsökun við svona framtaksleysi! Til hvers heldur þetta lið að hússjóðurinn sé? Er kannske verið að bíða eftir að Gnarrinn handmoki stæðin?

Snjóþyngslin minnka Hraunbæinn