Ætla tryggingafélögin að dansa með fjárglæframönnum?

Nýja árið byrjar eins og það gamla endaði á átökum við fjárglæfrafyrirtæki! Kominn tími á að endurnýja tryggingar á bifreiðinni! Samkvæmt útreikningum dóms Hæstaréttar er búið að greiða bílinn í topp hjá Lýsingu svo nú átti að hætta með skyldu kaskótrygginguna og ætlunin að spara sér 40.000 kr. og taka hefðbundna bifreiðatryggingu! En, ÚBBBBS, það er ekki hægt!!!!! Vörður tryggingafélag segir að þar sem Lýsing skilar ekki réttmætum eigendum bifreiðarinnar afsalinu, séu þau skráð eigendur og heimti kaskótryggingu á bílinn! Þau séu með samninga við fjárglæfrafyrirtækið og GETI EKKI selt okkur aðrar tryggingar??? Er þetta fólk snarbilað og ætlar það að draga tryggingafyrirtækið inní málsóknina sem hafin er gegn Lýsingu??? Eins og fyrirtækið geti ekki rift svona samningum 1,2 og 3 ef þau vilja? Engin er að tala um samninga sem ekki teljast uppgreiddir heldur þá sem búið er að greiða samkvæmt dómi Hæstaréttar! Nú ætla þau að stunda ÓLÖGMÆTA innheimtu eins og Lýsing og halda að þau sitji hlutlaus hjá! Auðvitað kemur ekki til greina að láta þau stela meira fé en orðið er og mun þessi trygging ALDREI verða keypt undir þvingunum frá fjárglæfraliði! Hringt var í Umferðarstofu og þar var sama svarið, við getum ekkert gert! KJAFTÆÐI!! Um er að ræða ranga skráningu ökutækis og þar með er þetta orðið sakamál! Ef þessi bifreið veldur tjóni mun reikningurinn að SJÁLFSÖGÐU lenda á skráðum eiganda, ekki satt? Beðið er eftir svari frá lögfræðingum sem með þetta mál fara fyrir hönd réttmæts eiganda bifreiðarinnar en vita mega eigendur tryggingafélagsins að fyrirtækið verður miskunnarlaust dregið fyrir dóm þar sem það mun sitja á sama bekk og hvítflibba glæpalýðurinn hjá Lýsingu! Og kærar þakkir sendi ég liðleskjunum og gungunum hjá þeim opinberu eftirlitsstofnunum sem eiga að koma í veg fyrir svona níðingshátt á almennum borgurum. Ekki er litlafingri lyft til að setja ströng lög á hyskið sem stelur af fólki á meðan það hæðist að Hæstarétti þjóðarinnar! Hér verður strikið endanlega sett og verður barist til síðasta blóðdropa!