Og samt....

á að halda áfram að kreista almenning! Hvurslags lenska er þetta hjá yfirvaldinu að huga þá ekki betur að fjárvana heimilum með því að taka til róttækra aðgerða við að létta á lánabyrðum þeirra? Endalausar fréttir af auknu verðgildi banka og lánastofnana hellast yfir okkur en samt er ekkert gert í þeim málum. Meðan fólk horfir upp á nýju valdastéttina (lögfræðinga og skilanefndir) velta sér upp úr milljónum á mánuði og redda félögum og vinum um heilu fyrirtækin úr þrotabúum bankanna, líta "stjórnvöld" bara undan. HVAR Í FJANDANUM ERU ÞIÐ? Er peningavaldið búið að gleypa ykkur með húð og hári? Hvað í andskotanum haldið þið að við höfum verið að meina með því að koma ykkur til valda? Þið áttuð að vinna fyrir okkur, ekki þessar blóðsugur.

Eignir metnar á 1.177 milljarða

Hafnarbylgja???

Getur einhver útskýrt þetta orðskrípi fyrir mér? Er þetta þýtt beint úr ensku eða enn eitt orðið sem einhver "gáfumaðurinn" með stúdentsprófið býr til? Þessar beinu þýðingar hafa skemmt mér konunglega í gegnum tíðina.

Tveir risaskjálftar ollu bylgju

HVAÐ???

Það held ég að þeir karlmenn sem þurftu bara eina nótt til að barna stelpurnar hristi nú hausinn. Voru jafnvel að hitta þær í fyrsta sinn og greddan tók völdin. Þurftu síðan að bera ábyrgð gjörða sinna alla sína tíð. Hvurslags vatnspungar eru ungir menn orðnir í dag? Ja hérna, svei mér þá!

Meðalparið þarf 104 skipti til óléttu

Glerhúsið!

Ég held að Björn B. ætti að halda sig á mottuni. Eða eiga allir aðrir en sjálfstæðismenn að taka ábyrgð á gjörðum sínum. Þurfum kannski ekki að vera hissa að þeir séu að skríða unda steinunum núna. Þriðjungur þjóðarinnar er farinn að hóta því að kjósa þennan ófögnuð til valda á ný. Nýtt, ábyrgt framboð verður að bjóða fram til næstu kosninga. Framboð sem leggur hausana að veði fyrir heimilin í landinu.

Skýr og brýn ástæða afsagnar

Uppgjör!

Já, nú verður alvöru uppgjör á milli þessara liða. Við KR-ingar hreinlega öskrum eftir sigri í þessari viðureign. Nú á að skilja á milli stórveldis og fimleikafélags!

„Ef að menn eru ekki með hnút í maganum er eitthvað að“

Orðið gott.

Nú held ég að kallarnir verði að hætta að nota veiðiferðir sem afsökun til að komast á fyllerí án kellingana. Nei, án gríns, þá borgar sig ekki að sumbla of lengi frameftir. Upplifði sjálfur þynnkur á skotveiðum í gamla daga. Vaknað fyrir birtingu og skriðið ofan í skurði. Var ekki notalegt að láta haglabyssuna berja sig í því ástandi. Veit ekki með stangveiðina en hlýtar að vera eitthvað þægilegra.

36% ökumanna undir áhrifum

Ræfilsháttur RUV!

Það ætlar engan endi að taka aumingjahátturinn hjá þessari stofnun. Er ég þá ekki að tala um Spaugstofuna heldur HM. í handknattleik. Ég mun ekki sakna þeirra, því það var farið að slá verulega í þá blessaða. Voru þó hrikalega góðir í kringum hrunið og að ég held, komu í veg fyrir mun alvarlegri sálarkreppu landans á þeim dimma tíma. Hafi þeir þökk fyrir það . En að þessi stofnun hafi ekki lengur efni á því að leyfa þjóðinni að fylgjast með  landsliðinu okkar, sem er í heimsklassa, er algjört reginhneyksli. Ríkið ætlar virkilega að láta einkarekna stöð, sem leikur sér í kennitöluskiptum eftir þörfum,  hirða síðasta skartið af sér! Þessi stöð hefur skilið eftir sig skuldahala í öllum áttum, afskrifað hundruð milljóna með reikniskúnstum, en hefur efni á því að kaupa enska boltann, hirða Formúlu 1 kappaksturinn og núna HM í handknattleik??? HVERNIG ER ÞETTA MÖGULEGT??? Er ekki kominn tími á að rannsaka þetta furðufyrirbæri sem virðist allt geta keypt en skilur eftir sig fjöllin af skuldum? Ef ríkið getur ekki keppt við þennan kolkrabba er þá ekki eitthvað stórkostlega gruggugt á ferð? Eða er ríkisstofnuninni skítsama um hvort landinn fái að sjá landslið sitt keppa án þess að þurfa að greiða Jóni Ásgeiri og frú fyrir það?

Já, já!

Einhvernveginn þarf að reyna að réttlæta mílljóna eyðsluna í mótefni sem svindlað var inná okkur. Halda bara áfram að væla úlfur, úlfur.

Of snemmt að blása flensuna af

Ákærum?

Fyrirgefið, en hverjir hafa verið ákærðir? Stærstu þjófarnir lifa í vellystingum erlendis og valsa hér um í heimsóknum eins og ekkert hafi í skorist! Flestir kúlulánþegarnir eru enn að störfum innan banka- og fjármálastofnana. Halda öllum sínum eignum og fá allt afskrifað! Lifa í lúxus innan um skilanefndir og lögfræðinga sem rænt hafa völdum í íslensku samfélagi. Milljónir í mánaðarlaun á meðan fólk lifir á bjargbrúninni.  Á ég að hlægja eða? Byrjum að brýna sveðjurnar. Mér sýnist almenningur þurfa að gerast ákæruvald, dómarar og böðlar í framtíðini. Eða ætlar fólk að láta þetta ganga svona áfram? Er að horfa á fjölskyldumeðlimi hrökklast úr landi umvörpum vegna atvinnuástands og vantrausts á aumingjunum sem endalaust rata inn á þing. Horfði upp á það sama um 1970 þegar fjöldinn allur yfirgaf þetta sker. Þ.á. m. föðir minn og hans nýju fjölskyldu. Hélt að ég þyrfti ekki að upplifa þetta aftur í minni tíð. Nú er orðið tímabært að stjórnmálamenn verði gerðir ábyrgir fyrir gjörðum sínum. Bíð í ofvæni eftir úrskurði nefndar vegna vanhæfi  í kringum hrunið. Menn verða að gera sér grein fyrir því að ef þeir ætla sér að starfa inn á alþingi eru þeir þjónar almennings en ekki flokka. Þessu virðast þeir hafa gleymt. Enda framleiddir erfðaprinsar og prinsessur til þess eins að gæta hagsmuna útvalinna fjölskyldna og klíka. Svo standa menn og neita að segja af sér þrátt fyrir risa fjárstyrki frá helstu bankaræningjum landsins. Og þriðjungur landsmanna ætlar samt sem áður að kjósa svona menn! Hvað er að???

Von á fleiri ákærum

Vísa honum frá landinu við komu!

Vekjum athygli á hegðun norskra stjórnvalda og skellum á nefið á kónginum. Vandræðalegt hvernig við skríðum fyrir snobbhyskinu ennþá. Aumkunarverðar tilraunir til að gægjast innfyrir dyrnar hjá aðlinum. Og það á meðan norsk stjórnvöld hafa í hótunum við okkur vegna makrílveiða! Aumingjaskapur okkar íslendinga er orðinn svo yfirgengilegur að mér verður illt við tilhugsunina. Enginn hefur dug í sér til að stíga fram og taka á þessum ræflum sem hóta og reyna að grafa undan okkur sem þjóð. Hin diplómatíska leið er löngu dauð. Við munum aldrei ná neinni virðingu meðal annarra þjóða á meðan við höfum ekki harðkjarna front í leiðtoga sem rífur kjaft og segir svona vitleysingum að halda kjafti. Stjórnmálastéttin er yfirfull af aumingjum sem læðast með veggjum og þora ekki að standa og falla með ákveðnum skoðunum sínum. Allskyns þrýstihópar og skuggaverur virðast ráða öllum hreyfingum þeirra. Svei mér þá, ég ætla að stofna stjórnmálaflokk. Myndi valta yfir þessar "kellingar".

Noregskonungur kemur í laxveiði