Þetta var ykkur mátulegt VR félagar!!!

Með leti sinni og sinnuleysi kölluðu VR félagar yfir sig lepp óþverraklíkunnar sem misnotaði fé félagsins og stundað hefur undirróðurstarfsemi dauðans! Verði ykkur að fokking góðu!!!!

Hvar eru VR. félagar????

Kosningar til formanns standa nú yfir, en þátttakan er brandari! 3000 manns af 28.000 eru búin að kjósa og KOSNINGU LÝKUR Á HÁDEGI Á MORGUN!!! Hvað er að? Fólk þarf bara að setjast við tölvu sína og ýta á takka!!! Er þetta of erfitt fyrir ykkur eða hvað?? Núna eigið þið góðann möguleika á þvi að losa ykkur við rottuganginn innan félagsins og klíkuna sem vinnur með undirróðri að því að hertaka félagið á ný! Þá klæjar í puttana að komast aftur í sjóði félagsins (YKKAR SJÓÐI) sem þau misnotuðu út og suður og hafa barist fyrir því síðan að enginn geti rannsakað misferlið!!! Þið kusuð ekki sjálfann byltingamanninn (Lúðvík) síðast en nú fáið þið tækifærið til að bæta úr því! Koma svo!!!!

Lögbrot í fullum gangi!!

Ætla að kasta fram spurningu til lögreglu og yfirvalda!!! Er hægt að útskýra fyrir fórnarlömbum glæps, af hverju hinn seki aðili getur haldið áfram glæpastarfsemi sinni, þrátt fyrir dóm hæstaréttar??? Liggur skýringin kannski í því að þessir aðilar eru jakkafataklæddir, vel snyrtir lögfræðingar? Fjármálafyrirtækið Lýsing heldur áfram að rukka fólk um hundruð þúsunda á mann, með breytingum á samningum eftir eigin geðþótta. Ríkisstjórn landsins ætlaði að aðstoða hyski þetta við þjófnað þennann en Hæstiréttur stöðvaði þann gjörning. Alþingismenn eru samsekir þessum lýð og dæmast þeir eftir því hér eftir. Samin hafa verið sér lög innan þessa fyrirtækis sem æðri eru Hæstarétti Íslands. Fyrirtækið brýtur á réttindum fólks, samkvæmt yfirlýsingu réttarins. Gróf atlaga er gerð að almenningi í skjóli ríkisstjórnarinnar! Lögbrjótar fara sínu fram í skjóli embættismanna og ráðherra!! ÞETTA ER STRÍÐSYFIRLÝSING VIÐ ÞJÓÐINA!!!! Það er löngu orðið tímabært að þjóðin semji sín eigin lög og afgreiði þetta lið samkvæmt þeim! Ætlum við endalaust að lifa sem fórnarlömb? Nei, því trúi ég ekki. Ég hélt að ég væri að kjósa yfir okkur fólk sem ætlaði að standa vörð um réttindi almennings gegn þeim bandittum sem orsökuðu það ástand að við höfum ekki einu sinni vinnu lengur. Nægur var hávaðinn í þeim fyrr kosningar! En hvað gerist? Þau reyndust bara sömu gegnsýrðu ræflarnir og fyrir voru! Bukta sig og beygja fyrir fjármagninu, orðin samdauna kerfinu fyrir lífstíð! Steingrímur kjaftaskur, af öllum mönnum, sýnir bara undirgefni og lætur taka sig í þurrt. Hvar er íhaldið í þessu máli?? Þeir væla og veina yfir að hæstiréttur sé sniðgenginn í þjóðstjórnar málinu en þykir bara allt í lagi að leyfa ÞJÓFUM að ræna fólk um hábjartann dag! Er Hæstiréttur ekki sniðgenginn?? Eða heitir þetta einhverju öðru nafni hjá ykkur? Með aðgerðarleysi sínu eru þau öll að leggja blessun sína yfir LÖGBROT! Hér eftir getum við klárlega hunsað réttarkerfið í þessu landi, því yfirvöld sjálf líta greinilega á það sem brandara!

Frábært fordæmi!!!

Sveitastjórn sýnir þarna stórkostlegt fordæmi! Ætla ég að vona að fleiri komi kjölfarið. Það er með ólíkindum þessi heimskulega "tryggð" sem fólk sýnir þessum risa fyrirtækjum. Fyrirtækjum sem er skítsama um viðkomandi. Með þögnini og aðgerðarleysinu er fólk að gefa þessu sjálftökuliði samþykki sitt! Bölva því að ég skuli ekki eiga 1 krónu með gati þarna inni. Myndi sýna þessu frábæra framtaki minn stuðning í verki.

Ólíðandi launakjör

Að gefnu tilefni!!!

Vegna svara á bloggi mínu hér að framan, um bitran verkamann, vildi ég gjarnan koma einu á framfæri. Þrátt fyrir að ég hafi klárað mitt 4 ára iðnnám (múrari) breytir það því ekki að starfsvettvangur minn var lagður í rúst. Það byrjaði með innflutningi ómenntaðra manna frá austur-evrópu sem virtust óhindrað geta gengið í verk okkar, þrátt fyrir mótmæli. Eftir standa hriplek og stórskemmd hús sem m.a. ég hef verið að laga síðustu ár. "Þakka" pent fyrir ógæfu eigenda. Síðast var það 4 ára gamalt einbýlishús sem hriplak vegna fúskvinnubragða svona vinnuhóps. Við erum nokkrir sem settumst niður og fórum ath. hvaða starfsgreinar þyrftu að þola svona ágang. Komumst við að því að lögfræðingar, verkfræðingar og aðrir "fræðingar" virðast alveg hafa sloppið! Núna erum við í fullri alvöru að íhuga að bjóða íslendingum upp á þjónustu svona "fræðinga" frá austur-evrópu, á aðeins broti þess verðs sem þessir "höfðingjar" eru að hirða af íslendingum. Það er ekkert vandamál að fá túlka fyrir þessa fræðinga, þeir þurfa smá stund til að koma sér inn í  íslenskt réttarkerfi, ég tala nú ekki um burðarþolsfræðina, læknisfræðina og allt sem því viðkemur. Erum komnir í samband við hóp þessarra manna sem ólmir vilja komast hingað, því aðeins hálf laun fræðinga á íslandi eru þvílík freisting að við erum að drukkna í fyrirspurnum. Erum farnir að halda að hálf evrópa vilji komast hingað. En, hvernig móttökur skyldi þetta fólk fá við komuna? Okkur hlakkar gríðarlega til að sjá viðbrögð þess hóps sem um er rætt hér að framan. Hversu langt munu þau ganga í að verja "réttindi" sín. Nú látum við reyna á hvort sömu lög gildi fyrir alla.

Verð kjaftstopp!!

Það þarf ekki að spyrja þegar um tækjasjúka íslendinga er að ræða! Kreppa hjá þessu fólki? Greinilega ekki. Og hvað svo? Eftir 3-4 vikur poppa þessir símar upp á Barnalandi og fleiri slíkum síðum þar sem þeir eru auglýstir til sölu, á miklum afslætti. Henta ekki viðkomandi, eins og aðal skýringin er hjá söluaðilum. Uppselt á tónleika Eagles þar sem miðinn kostar 20.000 kr!! Ég ætlaði að fara, en þar sem mín starfsgrein var nánast þurrkuð út (byggingabransinn) hef ég ekki efni á að leyfa mér þann munað að sjá og heyra eina af mínum uppáhalds grúbbum í gegnum árin. Hvað skyldu margir ofborgaðir lögfræðingar og skilanefndarmenn vera á þessum tónleikum? Miðaverð nær ekki einu sinni tímakaupi þessara jólasveina. Djöfull væri gaman að ná talningu á því. Það þarf t.d. ekki annað en að auglýsa falska afslætti til að múgæsingur grípi um sig og fólk standi í röðum tímunum saman og það eftir plastdrasli jafnvel. Við íslendingar erum svo hlægilega auðveld fórnarlömb neysluhyggjunar að fyrirtæki erlendis eru farin að nota okkur sem hina dæmigerðu "shopaholics" í rannsóknarferli sínu! Alveg eins og hjörðin í USA! OH WELL!!!! Það er víst nóg um að vera í þjóðfélaginu þó maður láti þetta ekki pirra sig líka, eða þannig!

Símar seldust upp á rúmri mínútu

Hvílík hræsni!!!

Hvernig dirfist svona lið að beita fyrir sig börnunum með svona þvælu?? Nú er okkar tækifæri til að gefa út yfirlýsingu í eitt skipti fyrir öll! Hingað og ekki lengra. Hér setjum við mörkin og yfir þau verður ekki farið. Með samþykki þessarra laga erum við einmitt að gefa fjárglæframönnum veiðileyfi á börnin okkar til framtíðar! Áróðursmeistarar þessara glæpamanna beita öllum ráðum til að fá okkur til  samþykkis, til tryggingar áframhaldandi fjárglæfrastarfsemi þeirra. Þeir óttast ekkert meira en að við gefum út þá yfirlýsingu að þeir skuli sjálfir ábyrgjast sitt fjárhættuspil. Við samþykki þessarra laga fórnum við sjálfstæði barna okkar. Fyrrum ráðgjafi Hvíta hússins sagði að við ættum stórkostlega möguleika á því að hrinda endanlega af okkur þessarri hryðjuverkaárás sem hagkerfi okkar varð fyrir. Við getum orðið fyrirmynd annarra þjóða með þannig yfirlýsingu. Það verði ekki lengur seilst ofaní vasa almennings í þágu glæpamanna. ÞAÐ ER VÖRNIN SEM BÖRN OKKAR ÞURFA!

Lýsa stuðningi við Icesave

Verndað glæpafyrirtæki??

Á meðan lögregla og yfirvöld hafa áhyggjur af glæpasamtökum götunnar, lifir hvítflibbaglæpa fyrirtækið Lýsing góðu lífi undir vernd lögreglu og alþingis. Þrátt fyrir hæstaréttardóm sem kveður á um að fjármálafyrirtækjum sé bannað að reikna sér vexti frá dagsetningu ólöglegs samnings, gefa þeir skít í þann dóm og halda áfram að stela af fólki og það undir vernd yfirvalda!! Meira að segja alþingi reyndi með lagagerð að aðstoða glæpahyskið við þjófnað þennann en vaknaði síðan upp við þann "slæma" draum að hæstiréttur dæmdi þau "lög" sem brot á réttindum fólks!! Hvernig má það vera að svona fyrirtæki geti haldið áfram starfsemi sinni, óáreitt og undir allra augum án afskipta löggjafans? Gefið hefur verið fordæmi fyrir þessari hegðun og glæpagengjum götunnar bendi ég hér með á að þeir hafi samkvæmt þessu, fullann stjórnarskrárbundinn rétt á að stunda sína starfsemi óáreittir héðan í frá. Allir skulu vera jafnir gagnvart lögunum!!! Hljómar þetta eitthvað undarlega?? Allavega er óbragð í mínum kjafti! Þar sem glæpastarfsemi Lýsingar er látin viðgangast er greinilegt að dómstólar eru ómarktækir, samkvæmt aðgerðarleysi löggjafans! Lýsi ég hér með yfir að ný Sturlungaöld er hafin! "Survival of the fittest" er kjörorðið í dag.

Lækkun iðgjalda hljóta að vera í pípunum!!!

Jæja, tryggingafélög þessa lands! Nú krefjumst við lækkunar iðgjalda strax! Hlutirnir virka ekki bara í aðra áttina, eða hvað? Ætla stjórnvöld að aðstoða skítblanka og pínda þjóð og setja þrýsting á þjófafyrirtækin til lækkunar eða sannast það endanlega að alþingi er kjaftfullt af mútuþegum trygginga- og olíufélaga?????? Aðaláróður þessara félaga í gegnum árin hefur verið fjölgun umferðaróhappa. Þetta er annað eða þriðja árið í röð sem tjónum fer stórlega fækkandi og ekki heyrist múkk frá þessum okurbælum. Stjórnvöld gefa sig út fyrir að vera verndarar þeirra sem minna mega sín svo eitthvað hlýtur að gerast, ekki satt? (Af hverju fæ ég æluna upp í háls?) Þetta eru jú skyldutryggingar. Við fáum engu um ráðið hvort við borgum eða ekki. Ef þessi okurbæli koma ekki með lækkun núna, verðum við að grípa til harðra aðgerða. Við getum ekki setið undir þessari rányrkju lengur, hvert sem litið er!

Skráð slys fjórðungi færri á milli 2008 og 2010

Yfirmenn ábyrgir!

Nú hefur orðið milljónatjón vegna vanrækslu yfirmanna Rarik! Hlustuðu ekki á aðvaranir í 3 ár! Verða þeir gerðir ábyrgir? Nú skulum við fylgjast grannt með hvort milljónalaun yfirmanna fái staðist þar sem "ábyrgð" þeirra sé svo mikil! Það er lágmarks krafa að "áskrifendur" launa í þessum geira standi sig í stykkinu. Hvet ég fólk sem varð fyrir þessu til að þrýsta á um ábyrgð þessara manna, brottrekstur vegna stórfelldrar vanrækslu. Nóg er að fólki til að taka við af þessum labbakútum! Tímabært að leggja línurnar fyrir framtíðar yfirmenn stórra fyrirtækja, ekki satt?

Hafði varað við í þrjú ár