Fílabeinsturninn?

Sælt veri fólkið. Langar að varpa fram spurningu vegna síðasta útspils "heldrimanna" stéttarinnar hér á landi. Hækka laun hjá sér um 400 þús. á mánuði!!!! 3-föld mánaðarlaun verkakonu. Hvað þarf til, svo þessir menn fari að opna augun fyrir ástandinu hér á landi? Það er alveg á tæru að kreppan kemur þessum mönnum ekkert við. Þeim er drullusama um hvernig fjöldi manns berst í bökkum og hefur varla ofan í sig eða á. Að halda vinnu er eins og að vinna  happdrættisvinning. Sér í lagi við byggingariðnaðinn. Hef sjálfur verið án verkefna frá því nóvember á síðasta ári. Eru þau að bíða eftir því að þolinmæði fólks þrjóti og blaðran springi? Það er óumflýjanlegt að ef þessari blindu á ástandinu lýkur ekki, mun blaðran springa og þessir apakettir verða dregnir út á götu og tjargaðir og fiðraðir að góðum sið miðaldamanna. Það er er mjög stutt í það að fólk fari að fyllast hatri á þessum "heldrimannaklúbbi". "Opnið augun! Þið hafið alveg efni á að reka lúxusbílana og hallirna fyrir milljón á mánuði. Þið fullyrðið allavega að fólk eigi auðveldlega að lifa á 150.000 kr. á mánuði. Viljið þið skipta á kjörum við þetta fólk? Sæl að sinni.