Verð kjaftstopp!!

Það þarf ekki að spyrja þegar um tækjasjúka íslendinga er að ræða! Kreppa hjá þessu fólki? Greinilega ekki. Og hvað svo? Eftir 3-4 vikur poppa þessir símar upp á Barnalandi og fleiri slíkum síðum þar sem þeir eru auglýstir til sölu, á miklum afslætti. Henta ekki viðkomandi, eins og aðal skýringin er hjá söluaðilum. Uppselt á tónleika Eagles þar sem miðinn kostar 20.000 kr!! Ég ætlaði að fara, en þar sem mín starfsgrein var nánast þurrkuð út (byggingabransinn) hef ég ekki efni á að leyfa mér þann munað að sjá og heyra eina af mínum uppáhalds grúbbum í gegnum árin. Hvað skyldu margir ofborgaðir lögfræðingar og skilanefndarmenn vera á þessum tónleikum? Miðaverð nær ekki einu sinni tímakaupi þessara jólasveina. Djöfull væri gaman að ná talningu á því. Það þarf t.d. ekki annað en að auglýsa falska afslætti til að múgæsingur grípi um sig og fólk standi í röðum tímunum saman og það eftir plastdrasli jafnvel. Við íslendingar erum svo hlægilega auðveld fórnarlömb neysluhyggjunar að fyrirtæki erlendis eru farin að nota okkur sem hina dæmigerðu "shopaholics" í rannsóknarferli sínu! Alveg eins og hjörðin í USA! OH WELL!!!! Það er víst nóg um að vera í þjóðfélaginu þó maður láti þetta ekki pirra sig líka, eða þannig!

Símar seldust upp á rúmri mínútu

Athugasemdir

[Jónas (IP-tala skráð) 22.3.2011 kl. 18:20]

Awww, það er fátt krúttlegra en bitur verkamaður.

[Jóhann (IP-tala skráð) 22.3.2011 kl. 21:42]

Ég er sammála þér með skilanefndafólkið, það er á gráu svæði.

En svona er þetta, ef maður menntar sig vel og verður lögfræðingur á maður skilið fín laun. Þú hefðir átt að hugsa út í það áður en þú ákvaðst að fara í byggingabransann.

[einhver (IP-tala skráð) 22.3.2011 kl. 22:56]

jóhann heldurðu i alvöru að maður þurfi ekki að vera mentaður til að byggja hús sem standast jarðskjálfta, það er mun meira gagn af verkamönnum heldur en einhverjum gagnslausum lögfræðingum sem lifa á vinnu annara eins og rottur.

[Sigurður Jónas Eggertsson (IP-tala skráð) 23.3.2011 kl. 08:00]

Lögfræðingar eru einskins virði ef engvir verkamenn væru. Lögfræðingar eru afætur þeirra er skapa verðmæti. En auðvitað eigum við að meta menntun verðleikum en við þurfum að gæta hófs og meta menntun til jafns við aðra menntun.

[Halldór Benediktsson, 23.3.2011 kl. 11:41]

Jóhann, maður á bara skilið fín laun fyrir fína vinnu hvort sem það er að flytja mál í réttarsal eða byggja hús. Það að vera lögfræðingur á ekki að þýða að maður eigi meira skilið fín laun en að vera húsasmiður, jafnvel þó maður hafi þurft að læra meira til að vera lögfræðingur. Það er fullt af fólki sem lærir tífalt á við lögfræðing og fær samt lágmarkslaun. Vinnan sem þetta sprenglærða fólk innir af hendi er það sem skiptir máli.