Stjóri Kvíabryggju v/s Ríkislögreglustjóri!

Mig langar að komast að því hver munurinn er á gjörðum yfirmanns Kvíabryggju og ríkislögreglustjóra! (Sá að mbl. er búið að fjarlægja fréttina af lögbrotum og spillingu embættis ríkislögreglustjóra.) Stjóri Kvíabryggju er ásakaður um stórfellda misnotkun á almannafé og tækjum en síðan kemur í ljós að svona misnotkun og klíkuskapur nær alla leið inn í æðsta embætti lögreglu! Að sögn R.L.stjóra fór þessi gjörningur fram undir verndarvæng dómsmálaráðherra þess tíma. Og hver gegndi því embætti? R.L.stjóri hyglir fyrirtækjum í eigu félaga innan lögreglu og þeirra fjölskyldna á kostnað almennings! Reynir að fela gjörninginn með svindli í bókhaldi og láta líta út fyrir að um 3 greiðslur hafi verið að ræða!  Hver kemur til með að axla þessa ábyrgð? Spillingar stimpill er fallinn á embættið! Það hlýtur að vera krafa almennings að ríkislögreglustjóri verði látinn víkja úr embætti nú þegar. Flestar stofnanir eru rúnar trausti og nú fauk það á þessari stofnun líka! Sjálft embætti RÍKISLÖGREGLUSTJÓRA, takk fyrir. Hvenær á að moka flórinn í þessum stofnunum?