Í tilefni hegðunar lánafyrirtækja!

Í skjóli nætur læðast útsendarar jakkafataklæddra glæpamanna sem geta rekið fyrirtæki undir verndarvæng yfirvalda og hirða bíla frá heimilum fólks! Fólk sem samkvæmt ráðleggingu lögmanna fara í greiðslustöðvun á meðan reynt er að koma skikk á þeirra mál. Ræningjarnir sem þessa iðju stunda hafa á sínum snærum AÐRA lögfræðinga sem túlka lögin á ANNAN hátt svo fórnarlömbin í þessari atburðarás vita ekki í hvorn fótinn á að stíga! Þetta þýðir aðeins eitt, það ríkir stjórnleysi í landinu og yfirvöld eru með aumingjahætti sínum og framtaksleysi búin að afhenda lögfæðingaskrílnum völdin! Eins og ég hef sagt áður eru þetta valdaræningjarnir sem búnir eru að misþyrma og afbaka öllum lögum og reglum þjóðarinnar eins og óþverrarnir í USA hafa gert svo rækilega að enginn þorir lengur að snerta slasaðann mann af ótta við kæru og málaferlum! Lánafyrirtækjum líðst að skrá sjálfa sig sem eigendur bifreiða en láta aðra borga tryggingar og gjöld! Síðan hvenær er hægt að krefja fólk um að borga tryggingar af eign annarra? Vísið iðgjöldum beint til þeirra! Annað hvort eru þau eigendur eða ekki! Væri gaman að sjá t.d. eigendur leiguíbúða reyna þessa aðferð! Láta leigjendur borga ÖLL gjöld af íbúðinni. Þrátt fyrir að vera skráð eigendur finnst ekkert um það í eignasafni fyrirtækjanna! Hvernig má það vera? Lögbrot! Árni Páll fyrrum viðskiptaráðherra var ákafur stuðningsmaður þessa kerfis enda lögfæðingur að mennt! Nei gott fólk, nú er mál að linni og við tökum völdin í okkar hendur. Til eigenda bíla sem búast meiga við svona heimsóknum varpa ég fram þessarri spurningu: Þar sem lögleysa ríkir í landinu, borgar það sig þá ekki að ráða "varðhunda" sem síðan munu verja eigur ykkar með öllum ráðum? Sjálfsvörn er heimil þegar ráðist er gegn heimilum ykkar og eignum. Það er OKKAR túlkun á lögunum, ekki satt?

Athugasemdir

[Elle_, 15.1.2012 kl. 23:00]

Nákvæmlega.  Frábær pistill.  Og það er lögleysa ríkjandi svo við ættum að ráða varðhunda.  Stóra varðhunda.