Skrítin tilfinning.

Sælt veri fólkið.

Nú stendur jólaundirbúningurinn sem hæst og tug þúsundirnar fjúka úr veskinu.

Við búin að æða um allt eins og öll þjóðin í kaupæðinu.

Enduðum daginn með heimsókn í gæludýra verslun því ekki mátti gleyma

hundi sonarins! Við löbbum inn og horfum á risastóra verslunina troðfulla

af gæludýradóti. Fólk í röðum við kassana að greiða rándýran varninginn.

Laust þá niður í hausinn á mér hvern fjandann við værum eiginlega að gera!

Hálfur heimurinn sveltur og á ekki þak yfir höfuðið en við akfeitir vesturlandabúar

stöndum í röð til að borga jólagjafir til Gæludýranna okkar.

Ég fekk eihvernveginn á tilfinninguna að ég ætti að skríða ofan í holu 

og moka hið snarasta yfir. Við erum farin að setja gæludýr ofar mannslífum, 

að vísu í fjarlægum löndum, en? Ég vill helst ekki skemma jóla stemmninguna

en svakalega er þetta áleitin spurning!

Sæl að sinni og gleðilega hátíð.