Hugleiðingar

Þjófarnir verja eigur sínar!!!

Sælt veri fólkið. Síðasta útspil Jóns Ásgeirs er hreint út sagt með ólíkindum. Þar sýnir hann ótrúlegt samviskuleysi og hversu útsmoginn hann er. Að veðsetja kyrrsettar (eða væntanlega) eignir upp fyrir rjáfur sýnir að hann ætlar sér alls ekki að borga krónu af ránsfé því sem hann hefur undir höndum. Hann mun frekar gera eignirnar verðlausar en að láta ríkið fá einn aur til baka. Þarna sýnir þetta lið hvernig innrætið er orðið. Ég ætla að vona að þegar kemur að ákærum á hendur honum og allra annarra sem tengjast þessu málum, muni dómstólar taka mið að þessari framkomu. Ég hef alla tíð stutt Bónus vegna þeirra gríðarlegu kjarabóta sem 30% lækkun matarverðs hafði til almennings. Því hefur mér þótt hörmulegt að horfa upp á gjörspillt og samviskulaust skrímsli spretta fram vegna velgengni verslana þeirra feðga. Hvernig ætla yfirvöld að verjast þessu? Það er einfalt. Yfirtaka bara eignir þessara þjófa á kennitölu (fyrirtæki) sem síðar verður breytt og skuldirnar skildar eftir og málinu er reddað. Hljómar þetta kunnuglega? Helvítin mega þó eiga eitt. Þeir kenndu okkur eitthvað. Sæl að sinni.

ÓSANNGJARNT!!!!!!!!!!!!!!!!!!!!

Vilhjálmur sýnir svo um munar siðblinduna sem hrjáir þessa "heldrimannastétt" landsins. "Okkur að kenna"? Nei, honum finnst það ósanngjarnt að að þeir séu sakaðir um spilavítis leik þeirra sjálfra. Og þarna talar forsvarsmaður atvinnulífsins. Hvað á að gera við svona erki-fávita?? Sem betur fer ætla menn ekki að horfa aðgerðarlausir uppá þetta lengur. Ef þetta lið ætlar bara að láta sem ekkert sé, verðum við að grípa til aðgerða. Að hlusta á svona kjaftæði fyllir endanlega mælinn.

	„Menn eru stjörnuvitlausir“
Ábyrgðarmaður færslu Tilkynna um óviðeigandi tengingu við frétt

Enn á launum hjá ríkinu!!!!!

Sælt veri fólkið. Hvernig stendur á því, að engum dettur í hug að setja spurningamerki við launagreiðslur til fólks sem ber stóra ábyrgð á gjaldþroti þjóðarinnar? Þetta fólk er með hátt í milljón á mánuði enn í dag. Ekki bera fyrir ykkur eftirlaunasamninga sem þetta fólk telur sig hafa rétt á. Það braut alla samninga og skyldur sem á þeim hvíldi, með fullkomnu getuleysi, eða réttara sagt, viljaleysi. Þetta fólk lét ræna fjöreggi þjóðarinnar undir nefinu á sér, án þess að bregðast við á nokkurn hátt. Fólk skal átta sig á því að hlutirnir virka bara ekki í aðra áttina. Eftir svona alvarlegt samningsbrot, þar sem fólk þetta tók að sér gæslu fjármuna almennings, (ríkiskassann sjálfan) er ekkert mál að segja upp öllum samningum gagnvart brotamönnum þessum og stöðva TAFARLAUST greiðslur til þeirra. Ég mun ALDREI sætta mig við að verðlauna svona fúskara og auðnuleysingja með áframhaldandi launagreiðslum úr ríkiskassanum. Þau hafa mokað nógu miklu úr ríkisjötuni. Sæl að sinni.

Eitthvað nýtt?

Þetta hljómar nákvæmlega eins og um stórþjófana úr bönkunum sé að ræða. Hvað í andskotanum er verið að loka þennan mann inni en milljarða þjófarnir sem blekktu fólk inn í Sjóð 9 og fleiri slíka, lifa í vellystingum erlendis? Hver er munurinn? Það er eins gott að yfirvöld nái í rassgatið á þessum andskotum svo við þurfum ekki að gera það sjálf.

	Meintur svikari í varðhaldi
Ábyrgðarmaður færslu Tilkynna um óviðeigandi tengingu við frétt

Slær öllu öðru við í vitleysuni!!!

Sælt veri fólkið. Get ekki orða bundist vegna vitleysunar hjá atvinnubílstjórum og fl. sem kalla sig samstöðu. Eingöngu skal versla við dýrasta olíufélag landsins í 8 daga, til að knýja fram lækkun hjá þeim ódýrari!!!!! Hvaðan er þetta fólk??? Atvinnubílstjórar eru náttúrulega ekkert að borga það sama og við á einkabílunum vegna sérsamninga við N1 um miklu lægra lítersverð. Ekki að furða að þeir skilji ekki menn eins og mig sem sér heimskuna blasa við ef ég mæti á dæluna. Á ég að láta þetta okurfyrirtæki, sem alltaf er fyrst að hækka og síðast til að lækka, okra á mér í 8 daga???? EKKI SÉNS!! Hingað til hefur alltaf þótt vænlegast til árangurs að versla eingöngu við ÓDÝRASTA fyrirtækið ef á að knýja á um lækkun. Er enn að reyna að skilja hvað þetta fólk er að reyna en finn engin rök við þeirra framkvæmd. Það hljóta fleiri en ég sjá delluna í þessu. Þetta er hallærislegasta leið til samstöðu sem ég hef upplifað. Sæl að sinni.

Hvílík heimska.

Er hægt að taka svona samtök alvarlega þegar þau ákveða að versla eingöngu við stærstu þjófana? Þetta fyrirtæki er alltaf fyrst til að hækka og síðast til að lækka. Viðbjóðslegur mútu fnykurinn angar langar leiðir af þessari ákvörðun.

	Samstaða hvetur til að aðeins sé verslað við N1
Ábyrgðarmaður færslu Tilkynna um óviðeigandi tengingu við frétt

Skíthræddir!!!

Sælt veri fólkið. Alveg er magnað að sjá hvað fjármagnseigendur og fjárglæframenn um allan heim skjálfa á beinunum vegna væntanlegrar Ice-save atkvæðagreiðslu. Nú höfum við eitt stærsta tækifæri í söguni að sýna þessu hyski að þeir fái ekki lengur að velta sínum glæpum yfir á almenning. Ég skil afturámóti alls ekki afhverju allt kapp er lagt á að ekki verði kosið um þetta mál. Að vinstri stjórn skuli vera undir hælnum á þessum glæpamönnum veldur mér gríðarlegum vonbrigðum. Að láta kúga sig til hlýðni sýnir að íslenskir stjórnmálamenn eru aumingjar að upplagi. Þeir eru greinilega ekki valdið í landinu heldur leppar fjárglæframanna. Hægri, vinsti eða mið, sami grautur í sömu skál. Allt virðist þetta snúast um að velta þeirra tapi yfir á almenning. Hingað og ekki lengra. Þjóðstjórn verður að komast á, ÁN stjórnmálamanna. Þeir hafa ekki einu sinni sjálfstæðann vilja. Ganga um eins og gasprandi vélmenni með flokkaklíkurnar á bakinu. Ef það gengur ekki, er orðið tímabært að taka eins og eina franska byltingu og moka þessu getulausa liði út úr þingsölum. Sæl að sinni.

Landráðamenn??

Sælt veri fólkið. Alveg er það magnað þegar menn kalla það fólk, sem vill losna undan "lénsherrunum" hér á landi, landráðamenn. ESB umræðan er svo absúrd að það er stórkostleg upplifun að lesa skrif þeirra. Látum það vera að sumir eru yfirfullir af fordómum og ótta við allt slíkt tal. En þegar þetta sama fólk kastar því fram að nú skuli láta hendur standa fram úr ermum og virkja hverja sprænu sem seytlar í sjó fram er meinfyndin. Ekki vegna virkjanana sjálfra heldur til að laða erlenda fjármagnseigendur til landsins og hreinlega SELJA þeim auðlindir og orkufyrirtæki okkar. LANDRÁÐAMENN, ekkert annað. Fólk sem mokaði milljörðum út úr gjaldþrota bönkum rétt fyrir hrun, LANDRÁÐAMENN, ekkert annað. Fólk sem vill reyna að losna undan heimskingjum sem allt þykjast vita og kunna og sýna erlendum sérfræðingum hroka og dónaskap, er ekki landráðamenn heldur er þetta ákall eftir aðstoð utan frá. Án afskipta sérhagsmunahópa sem rænt hafa þjóðina frá upphafi. Suðurnesjamenn, með Árna í broddi fylkingar, urðu bara fúlir yfir því að slegið var á hendur þeirra þegar þeir ætluðu að selja undan okkur íslendingum heilt orkufyrirtæki. Hvar var umræðan um landráðamenn í þessu tilfelli? Ekki á þessum síðum allavega. Og enn ætla ég að nefna hugleysi þeirra sem hafa lokað bloggi sínu fyrir öðrum skoðunum en þeirra eigin. Röklausir HUGLEYSINGJAR. Sælir að sinni.

Enn opnast ormagryfja!!!

Sælt veri fólkið. Enn er verið að lyfta lokinu af óþverranum sem gekk á innan VR. Stjórnarmenn að misnota greiðslukort félagsins út og suður. Meira að segja á pylsubúllum!!! Þeir voru ekki með nema 1 til 4 millur. á mánuði og fría bíla, aumingja mennirnir. Urðu að fá "lánað" fyrir pylsu og kók af kortum félagsins. Og hver mun afsökunin verða? "Úps, þetta var bara alveg óvart". "Ég vissi ekki að það mætti ekki stela" "Á ég ekki bara að borga núna, fyrst það komst upp um mig?" Þetta gerir meira að segja alþingismaður með útgerðarfyrirtæki í taprekstri! Getum við almúginn, leyft okkur að segja svona framan í yfirvaldið ef við stelum? Hvar er umræðan um þetta mál á þessum síðum?? Jú, þegja þetta í hel. Hvernig er það með þetta fólk sem kemst til metorða, fæðist það með þessum ósköpum? Verða þau flest af aurum apar? Ætlið þið virkilega ekki að taka þátt í því að hreinsa ykkur af þessum vitleysingum? Flest vitum við hvaða flokki þau fylgja, ekki satt? Allavega þau sem um er rætt. Hættið að slá "skjaldborg" um afbrotamenn. Þeir eflast bara meðan þeir finna að þið viljið ekki taka á þeim. Sæl að sinni.