2 flugur í ......!

Einfalt fyrir dóphausana þykir mér. Fá sér bara vatnsglas fyrir djammið og málið er dautt. Yfirvöld eru góð að láta þetta vitnast. Hlýtur að vera bráðfyndið að horfa á útúr ruglað lið liggjandi við hverja sprænu þambandi vatn eins og líf lægi við. Og, skila því svo aftur í hringrásina. Er þetta nú ekki náttúruvænt að endurnýta svona efnin???

Kókaín og kannabis í vatnsbóli

Ljótt ef satt er!

Gott hjá Ljósunum að sigra en neyðarleg uppákoma þegar meðlimur sigurvegara í fyrra tilkynnir að þeir hafi ekki fengið helminginn af þeim vinningum sem lofað var. Sýnir bara hvernig landlægt siðferði er ríkjandi hér á landi. Þykir bara ekkert mál að svíkja gefin loforð og það á opinberum vettvangi. Ekki skrítið náttúrulega. Siðleysi fjárglæframanna hafa auðvitað gefið tóninn.

Ljósin unnu Popppunkt

Hvað?

Það er sko hægt að tala um nýstárlega "eggjatínslu" í þessu tilviki. Eru engin takmörk fyrir græðgi og útsjónarsemi mannskepnunnar? Svei mér þá mannskepnan er í öfugu þróunarskeiði. Endum aftur sem skynlausar skepnur.

Stálu eggjum kvenna

Þarf ekki mikið til!

Svona drasl á götum og þjóðvegum er jafnhættulegt og ísing. Ég fullyrði að hvergi í Evrópu sé leyfilegt annað eins svínarí og gerist hér á landi. Vörubílar og önnur farartæki með fullhlaðna palla og vagna í eftirdragi fá óáreittir að aka um vegi og götur þessa lands og dreifa sandi og möl aftur af sér eins og ekkert sé sjálfsagðara. Hvað oft hefur maður ekki lent í "sandstormi" fyrir aftan svona tæki? Og yfirbreiðslubúnaður er jafnvel til staðar, ónotaður! Meira að segja í Hvalfjarðargöngum lenti ég í slíku. Trúði ekki mínum eigin augum þegar ég horfði upp á svona vörubíl af stærstu gerð nánast blinda okkur sem á eftir komum í sandbyl þarna niðri. Engin yfirbreyðsla á pallinum og strókurinn stóð yfir okkur. Og svo klóra menn sér í hausnum eins og fífl þegar bílar fljúga allt í einu út í vegg eins og um ísingu væri að ræða! Fljúgandi hálka vegna sandburðar!! Talaði við bæði við lögreglu og skrifstofu Spalar en þau bentu bara á hvort annað. Þeir leyfa semsagt sandflutninga í gegnum göngin á opnum pöllum!! Það er hrein og klár manndrápstilraun!! Hvað margir hafa ekki lent fyrir aftan þessi tæki við malarnámurnar í mynni Þrengslana? Hafiði tekið eftir malarslóðinni frá afleggjaranum þar? Þar eru vélhjólamenn í beinni lífshættu! Skora hér með á bílstjóra sem lenda í því að bílar renni svona til að kanna strax veginn eða götuna. Þið finnið um leið hvort sandur eða möl liggur á malbikinu eða olíumölini. Síðan að kæra allt sem hreyfist! Það verður að vekja menn upp af þessu manndráps kæruleysi!

Ók á fóðurkorn og missti stjórnina

Snilldarframleiðsla!

Djö..... Ekki gat nokkrum manni dottið þetta í hug þegar maður var sem sprækastur! Fjandakornið, þetta hefði getað komið sér vel í denn. Jahh. Á ekki bara að splæsa í eina. Neeeee. Þetta er nánast búið!!! Bara orðið eitthvað spari.

Ástardýnan slær í gegn

Kjaftæði!

Alveg sama hvað krónan styrkist, lækka vörur ekki neitt. Svörin eru bara á þann veg að við ættum að hrósa happi að þær hækki ekki. Spurði sjálfur kaupmann hvar styrking krónunnar kæmi fram hjá honum vegna komu nýrrar sendingar. Eftir umhugsun var þetta svarið. "Ja, það mun allavega ekki hækka." Við eigum semsagt að vera þákklát fyrir stöðugleika í okri?

Kaupmenn ekki að maka krókinn

Nöturlegt!

Það getur ekki verið spennandi að missa fyrirtæki sitt út úr höndunum eftir allan þennan tíma. Útrásar þörf og æðið í syninum er orsök þessa missis. Græðgin í aukin auðævi hefur orðið þeim mörgum að falli. Gömul saga og ný.

Sérstök tilfinning að kveðja Bónus

Lagleg vakning eða..

Ótrúlegt ruglið sem grípur okkur stundum á fylleríum. Ekki vildi ég vakna út í móa með björgunarsveitarmenn pikkandi í mig. "Uhh, heyrðu ljúfur, viltu  vakna núna? Við erum bara tugir manna búnir að eyða tíma í að leita að þér! Shit maður, mórallinn dálaglegur ofan í sturlaða þynnku. Öfunda hann ekki neitt. Ætti að hella sig fullann aftur, strax!

Maðurinn fundinn í Svínadal

Og samt....

á að halda áfram að kreista almenning! Hvurslags lenska er þetta hjá yfirvaldinu að huga þá ekki betur að fjárvana heimilum með því að taka til róttækra aðgerða við að létta á lánabyrðum þeirra? Endalausar fréttir af auknu verðgildi banka og lánastofnana hellast yfir okkur en samt er ekkert gert í þeim málum. Meðan fólk horfir upp á nýju valdastéttina (lögfræðinga og skilanefndir) velta sér upp úr milljónum á mánuði og redda félögum og vinum um heilu fyrirtækin úr þrotabúum bankanna, líta "stjórnvöld" bara undan. HVAR Í FJANDANUM ERU ÞIÐ? Er peningavaldið búið að gleypa ykkur með húð og hári? Hvað í andskotanum haldið þið að við höfum verið að meina með því að koma ykkur til valda? Þið áttuð að vinna fyrir okkur, ekki þessar blóðsugur.

Eignir metnar á 1.177 milljarða

Hafnarbylgja???

Getur einhver útskýrt þetta orðskrípi fyrir mér? Er þetta þýtt beint úr ensku eða enn eitt orðið sem einhver "gáfumaðurinn" með stúdentsprófið býr til? Þessar beinu þýðingar hafa skemmt mér konunglega í gegnum tíðina.

Tveir risaskjálftar ollu bylgju